Şübhə yoxdur ki, bu gün “Apple” dünyada ən çox tələb olunan və sevilən brend statusuna malikdir. Bütün dünyada olduğu kimi respublikamızda da bu markanın böyük bir fanat ordusu vardır. Brendin iPhone markalı telefonları istifadəçilər arasında xüsusi rəğbət qazanmış və istehsal olunan hər bir yeni model dünyada böyük rezonans doğuraraq satış rekordları qırır. Azərbaycan istehlakçıları da bu tendensiyaya sadiq qalaraq hər yeni iPhone modeli bazara çıxdıqdan dərhal sonra onu əldə etmək istəyirlər. Lakin, əksər hallarda istehlakçılar yeni model iPhone alışı məqsədilə köhnə model iPhonun satışını həyata keçirməkdə çətinlik çəkirlər. Belə ki, bu telefonların satışı “qara bazarda”  dəyərindən qat-qat ucuz qiymətə həyata keçirilir və süni maneələr yaradılmaqla iCihazların bazar qiymətinə uyğun satışı zamanı ciddi problemlər yaradılır.

Bu problemin həlli məqsədilə Avirtel yeni bir layihəyə start verdi. Layihələrinin başlıca məqsədi vətəndaşlara yüksək səviyyədə, professional xidmət göstərmək və onlar üçün Apple məhsullarının alışı-satışı, mübadilə və dəyərləndirilməsini daha rahat və əlçatan etməkdir. Artıq Apple istifadəçiləri iCihazlarını www.applemarket.az veb-səhifəsində, eləcə də eyni adlı Facebook səhifəsində daha çevik sata, həmçinin daha  münasib qiymətlərlə ala və ya dəyişdirə biləcəklər. Avirtel-in Apple sertifikatlı peşəkar mütəxəssisləri sevimli iCihazınızı qısa zamanda qiymətləndirəcək, onun real bazar dəyərini təyin edərək lazımı müştəri kateqoriyasına yönləndirəcəklər. Habelə, bu portal vasitəsilə sizə lazım olan iCihazı asanlıqla ala və ya digər modellə mübadiləsini həyata keçirə bilərsiniz. www.applemarket.az -da artıq iCihazların alışı və satışı, mübadiləsi və ya sadəcə peşəkar mütəxəssislər tərəfindən qiymətləndirilməsi daha asan oldu.

Veb-səhifə digər elan saytlarından bir üstünlüklə fərqlənir. Belə ki, səhifədə yalnız Apple markalı cihazların alqı-satqısı və mübadiləsi həyata keçirilir və məqsədimiz Apple sevərlərin bir mərkəzdə cəmlənərək fikir mübadiləsi aparmaqlarını təmin etməkdir.

Ümid edirik ki, layihələr qısa zamanda Apple sevərlərin rəğbətini qazanacaqdır!