Azərbaycan Texniki Universitetin tələbələri Avirtel şirkətinin qonağı oldular. Onları qarşılayan şirkət nümayəndəsi ilk olaraq Avirtel-in strategiyası, fəaliyyət sahələri, uğurları və gələcək planları haqqında ətraflı məlumat verdi. Tələbələr şirkətin inzibati binasını gəzərək bütün şöbələr, onların rəhbərləri və əməkdaşları ilə, hər bir şöbənin ayrı-ayrılıqda iş prinsipi ilə tanış oldular.

Bundan sonra, Avitel-in 176 Çağrı Mərkəzinə toplaşan tələbələr Çağrı Mərkəzinin iş rejimi, texniki dəstəyi, əlaqələrin yaradılması prinsipi ilə, Çağrı Mərkəzi işçilərinin davranışı, müştərilərə cavab texnikası ilə əyani tanış oldular.

Ümumi tanışlıqdan sonra ziyarətin əsas məqsədi olan IT sahəsi üzrə trening bölümündə əməkdaşımız Anar Ağayarov tələbələrə Internet Provayderin iş prinsipi haqqında təlim keçərək, onları şirkətimizin Data Center-i (Məlumat Mərkəzi) ilə tanış etdi. Bu təlim onlarda xeyli sual doğurdu və əməkdaşımız yaranmış bütün sualları ətraflı cavablandırdı.

Avirtel komandası adından bütün tələbələrə və onların müəlliməsinə bu ziyarətə görə təşəkkür edir, onlara təhsil və gələcək karyeralarında uğurlar diləyirik!