Ölkə üzrə aparıcı İKT xidmətlərini təqdim edən Avirtel korporativ saytlar nominasiyasında Millinet internet mükafatının qalibi olmuşdur.

Milli İnternet Mükafatı Azərbaycan İnternet Forumu tərəfindən təsis edilən peşəkar internet mükafatıdır. Bu müsabiqə artıq 7 ildir ki, keçirilir və müxtəlif sahələrdə fəaliyyət göstərən, Azərbaycan dilində tərtib olunan milli internet resurslarına və internet layihələrinə Millinet mükafatı təqdim edilir. Peşəkarlardan ibarət münsiflər heyəti müsabiqəyə qatılan saytları üç istiqamət üzrə qiymətləndirirlər: texniki funksionallıq, dizayn və məzmun.

Avirtel bir il öncə korporativ rebrendinq həyata keçirmiş, xidmət və məhsul çeşidlərini artırmış və eləcə də saytını yeniləyərək yüksək funksionallıqlı, 3 dildə, istifadəsi rahat olmaqla ictimaiyyətə təqdim etmişdir. http://www.avirtel.az/ 14 nominasiya üzrə 374 sayt arasında seçilmiş və mütəxəssislər tərəfindən öz layiqli qiymətini almışdır.

Tədbirdə Milli Net Təşkilat Komitəsi adından AİF-in prezidenti Osman Gündüz çıxış edərək bildirmişdir ki, hər il təşkil olunan bu müsabiqənin əsas məqsədi qalib müəyyənləşdirmək deyil, milli internet sektorunun inkişafına və genişləndirilməsinə xidmət etmək, ən yaxşı milli internet resurslarımızın ölkəmizdə və dünyada geniş istifadəçi auditoriyasında təbliğini aparmaq və Azərbaycan dilinin İnternetdə tətbiqini genişləndirməkdir.