“Bakutel” sərgisi hər il ölkədəki telekommunikasiya bazarının aparıcı şirkətlərini öz meydançasında bir araya toplayaraq İT məhsul və xidmətlərinin nümayiş etdirir. Burada aparıcı İKT şirkətləri, Azərbaycanın mobil/rabitə operatorları, internet provayderləri, sistem inteqratorları və məşhur markaların distributorları öz xidmət və məhsullarını nümayiş etdirir, şirkətlər arasında əlaqələr qurulur, işgüzar forum, ixtisaslaşmış tədbirlər, seminarlar vasitəsilə beynəlxalq və yerli mütəxəssislər arasında fikir və təcrübə mübadiləsinin aparılır, yeni müəssisələr yaradılır.

Ölkədə aparıcı telekommunikasiya və İKT şirkətlərindən biri olan Avirtel 2006-cı ildən etibarən bu beynəlxalq sərgidə iştirak edir. Avirtel Bakutel-2015 - 21-ci Azərbaycan Beynəlxalq Telekommunikasiya və İnformasiya Texnologiyaları Sərgisində yüksəksürətli internet, 088 Toll Free, Zəng Mərkəzi, Biznes Proseslərinin İdarəedilməsi (BPMS), Mobil həllər, IT Outsourcing, IKT Konsultasiya və Təlim, Veb dizayn, Reklam, IT təhlükəsizlik xidmətləri, LED monitor həlləri kimi genişçeşidli xidmətləri ilə təmsil olunmuşdur. Sıfırdan müştəri mərkəzlərinin, eləcə də məlumat bazası üzrə sistemlərin və digər zəruri ofis proqramı və şəbəkələrinin yaradılması üzrə IT həllər, rəqəmsal dünyanı uşaqlar üçün təhlükəsiz edən yeni proqramlar kimi məhsul və xidmətləri ilə yanaşı, Avirtel eksklüziv distribyutoru olduğu Snom, Bluesonic, şirkətlərinin məhsullarını nümayiş etdirmiş və hər kəsi yaxın zamanlarda şəhərin mərkəzində açılacaq olan Apple – texnoloji salonuna dəvət etmişdir.  

Avirtel sərgi zamanı özünəməxsus imici, gözoxşayan dizaynı, sərgilədiyi ən son texnologiyalara cavab verən xidmət və məhsulları ilə bir sıra şirkətlərin, eləcə də fiziki şəxslərin diqqətini çəkmişdir. 21-ci Azərbaycan Beynəlxalq Telekommunikasiya və İnformasiya Texnologiyaları Sərgisində fəal iştirak edən Avirtel MMC-nin 1202 nömrəli stendi Bakutel şirkəti tərəfindən “Ən füsunkar stend” təşəkkürnaməsi ilə təltif olunmuşdur.